Ya3tek a3sida !

tannnnnnnnnnnnnn ( pour reproduire avec fidelité le bruit, il faudrait tapper avec une cuillère sur une casserole, 9allaya, ou tanjra , à vous le choix)
générique : ouana rassi chab men baba ena rassi chab men baba , ena rassi chab men baba ou houa irajja3 fel 5otaaab men baba tarararan tararararan ...


imassikom bel 5ir!
maouthou3 7essetna elioum , mathal cha3bi, men amthal nas bekri, elli kanou yore9dou 3ala bekri bach i9oumou bekri, ouelli 7arbou lalman ouel 3akri,
ma entaoualech a3likom bel e7dith, el mathal houa : ya3tek a3sida !
i9oul el 9ayel hatha mouch mathal, hathi kelma tet9al, bach enfathelkou m3a 3abd en 3ezzouh, el mochekla ennou kelmet ya3tek toufidou galiban, emsiba, 5ater en9oulou ya3tek bagla, ya3tek dnia, ya3tek ach i9oul fommi, ih n3am le7kaya fiha serr, el chay elli ma ya3erfouhech aglabiet el sada el moucha8din, houa eb9iet el mathal , ih n3am el mathal 3andou eb9ia , narej3oul enchallah ba3d el fassel el ich8ari ;)


ma itaffili nari kan coseksi diary , ya ma bannou zidni mennou!!! ( désolé j'ai pas la photo de kaouther el bardi pour les fans )
enzel 3al hendi ya oueldi , el hendi soltan el galla !!!!


aiouah, ithan 9olna el mathal 3andou eb9ia:
" ya3tek a3sida fi kouz, el 3in tra ouel sbo3 ma izouz"
" qu'on te donne de l'asida dans une carafe, l'oeil regarde et le doigt ne rentre pas"


bel falla9i la3sida 9oddamek , tetchaha fiha, ou ri9ek sayel, ma etnajjamech et4ou9 !

ithan el da3oua da3ouet char, haou bach en9oulelkom kifach bechouaia a3lia,
laoue7 a3lina mel a3saied, en baddlou la3sida eb sabbat ( la ma5mej mo5ek ma hiach el nokta mta3 el sabbat ouel koujina ...) , ou enbadlou el kouz eb magasin fel lac aou fi 7ay ra9i men a7ia2 el 3assma, donc etsaouer chahar, metouathef mathalan, 9oddam sabbat fi boutique fel lac, el sabbat en9oulou na7na eb mitin ou 5amsin dinar, lekra emta3 el dar eb lougha o5ra, ithan sadi9na ma inajamech yechrih, sinon etrassilou bayet fel chare3, ou ya ritha le7kaya tou9ef 7ad el houni, ki yet3adda oua7ed bras dessus bras dessous m3a cha5toura 9onfida kif ma na3ref ena, et9ollou a3zizi ma7laha hal chlaka to9tol, en7eb nemchi biha el 7ennet tata tita ( elli ma5tha trombita ) , i5arrej ou5aina sorra flouss ou yabza9 sur place el mablag el mathkour a3lah karta et7ok karta, batal el mathal emta3na bach yet3a9ed, ioualli 7atta houa i7eb 3ala 9onfida etkabachlou fi yeddou, ou 3ala balgha bach yemchi biha el thour tonton trombita, sa3etha eddour e9haoui ta7t el taoula, ou emchili eddenia ch8ili , ou ya si flan ma7lak, ou ya el borni arja3 godoua, eddour 7atta ser9a 3afana ou 3afakom ellah ,


ithan bait al 9assid, ya3tek a3sida da3ouet char , mathabina ma en9oulouhach la7babna ou as7abna, ou lel mouaten ettounssi eb sifa 3amma, ma thabina en9arriouh fel makteb : al 9ana3atou kanzon la yafna, ou ensam3ouh el doctour 7akim yochkor fi mar9et la3dass ouel lablabi bel 3athma,
ou kifa ma i9oulou nass bekri la 3in tra la 9alb youja3!


oua ila elli9a2 fel 7al9a el 9adma

tannnnnnnnnnnnnn
générique : ouana rassi chab men baba ena rassi chab men baba , ena rassi chab men baba ou houa irajja3 fel 5otaaab men baba tarararan tararararan ...