ليلة امس كانت لي جلسة مع وزير الترفيه و المرطبات
تناولنا فيها العديد من الملفات و المشروبات
و تقرّر فيها ما هو آت
توزع مجّانا على كلّ مواطن ظاربو الصباط
بمقرّ الوزارة بباب بنات
مجموعة من الضمادات
توضع على الفم موش فين جات جات
باش إنقص من البكاء والعياط
و ينسى كلمة أعطيني و هات
كما توزع مجموعة ميكروفونات
على كل مواطن عايش في الشيخات
مستانس بالدخلات و الخرجات
بين طبرقة باريز و الحمامات
باش الوالي يصبح و إيبات
على عبارات الشكر و الهتافات
تتعالى اليه من نوافذ القصر و الشرفات
و تدخل حيز التنفيذ هاته القرارات
بعد ان يعطي الشعب رايو من خلال انتخابات
تنظم تحت شعار انتي و بعدك الرجال وفات
لا قلب يوجع و لا عين رات
نيابة عن وزير الترفيه و المرطبات
الناطق غير الّرسمي هاتشوم ابو الهبلات
الناطق غير الّرسمي هاتشوم ابو الهبلات
